* * *

«Сьылісны бабаяс, сьылісны...»
В. Попов.

Ю дор видз вылын ытшкӧны бабаяс,
Коса-гӧрбушсӧ лэчтӧны бабаяс.
Ю дор видз вылын оз сьывны бабаяс —
Видз выв дзоридз кодь мичаник бабаяс.

Ю дор видз вылын куртӧны бабаяс,
Шонді югӧрсӧ куртӧны бабаяс.
Ю дор видз вылын ёрччӧны бабаяс —
Кӧмтӧм кокъяса гожъялӧм бабаяс.

Ю дор видз вылын чӧвтӧны бабаяс,
Сьӧлӧм дойнаныс юксьӧны бабаяс:
Ю дор видз вылын абуӧсь мужикъяс —
Быттьӧ ӧніӧдз мунӧ война.