ЙӦЗ ПӦВСТЫСЬ


Йӧз пӧвстысь, уна йӧз коластысь ӧтчыд
Син улӧ уси мем зэв мича ныв.
Видзӧдліс. Видзӧдлі. Чашмуні ӧдсьыс
Кенясьӧм сьӧлӧмӧй, бӧр лои сыв...

Жугыля видзӧдлім мӧда-мӧд вылӧ —
Олӧмыс, ывлаыс лои дзик мойд.
Йӧз пӧвстӧ, уна йӧз коластӧ сыліс —
Войтыштіс ытваӧ тувсов зэр войт.

Дзоридзьяс керкаад... Нигаяс гортын,
Пыри да, зывӧкъяс, эз шуны нем.
Мыйджык нӧ шуис тэд дзоридзыд, ёртӧй?
— Аддзысям коркӧ ми? — долисны мем.