ЫДЖЫД МАМЛЫ


	Зільӧн вӧлін, олӧмыс кӧть курыд.
	Нэм чӧжыд пыр вӧчин помтӧм удж.
	Сэтшӧм уджсӧ корсян кӧ — оз сюр ӧд,
	Кодӧс эськӧ ыджыд мам эз куж.

	Сьӧкыдлунсӧ пӧттӧдзыд дзик тӧдлін,
	Кынмавлін и кывлін война кӧр.
	Мырсьывлін, и омӧлика пӧтлін...
	Сӧмын водзӧ кутчысин, эн пӧр.

	Ыджыд мамӧ, муса, дыр на ов тэ!
	Сиа тэныд помтӧм-дортӧм шуд.
	Внук-внучканад ышӧд ассьыд ловтӧ,
	Тэнад олӧм — быдса зарни куд.