ВЫЛЬ ЮРАЛЫСЬ

Тимопей Тупъюров
Юралысьӧдз воис.
Сӧмын Енмыс тӧдӧ,
Кыдзи тайӧ лоис.

Нӧшта чина войтыр
Тӧдӧны зэв бура,
Мыйла Тимопейлы
Небыд улӧс сюрис.

Веськӧдлыны сылӧн
Кӧть и морттуй абу,
Кыскалӧ кыз бекъяс,
Кыдзи тшӧгӧм баба.

Дошлӧй морт моз сійӧ
Контораын бызгӧ.
Лӧз сітана гут моз
Сьӧдас мыйкӧ ызгӧ.

Тимопей ӧд ӧні
Ыджыд мортӧн шусьӧ.
Арлӧн ыркыд ловкӧд
Номйыд, гутыд усьӧ.

Юралас на дыр-ӧ
Татшӧм «сюсь» да «писькӧс»?
Сійӧ сэки усяс,
Кодыр ставсӧ кисьтас.