ВЫЛЬ ШОНДІ


1.
Чикыш лэбалӧ —
Енэжас сунлӧ.
Мортлысь ловсӧ
Чуксалӧ сэтчӧ.
Быттьӧ лэбачыс
Сэтысь оз лэччыв:
Чужӧ енэжас,
Енэжас кулӧ.

2.
Шонді югӧр
Ва веркӧсын ворсӧ.
Нэмсӧ тӧдан нин
Шонділысь сямсӧ.
Но век чуйман,
Кор пасьтала сявкъяс
Зарни кӧйдыснас
Ен таладорсӧ.

3.
Пуксьысь шонді
Войтыштіс позъяс.
Лои гажтӧм.
А ме озкӧ, часлы,
Шызьӧм вежӧрын
Мӧвпышта аслым
Сэтшӧм шонді,
Мед век меын ӧзъяс.

4.
Тӧв ныр нюкыльтлӧ
Муӧдзыс байдсӧ...
Тадз жӧ кадыс
Чеглавлӧ лолӧс.
И ме байд пусӧ
Видзӧдіг — ола
И кор луныс
Сьӧд войӧн чайтсьӧ.

5.
Юыс косьмӧма —
Пӧрӧма шорӧ.
Мӧдлапӧлӧ
Вуджала могӧн —
Сэтӧн кӧнкӧ
Кӧк кӧкӧ шога.
Югыд синвасӧ
Ӧктыны корӧ.

6.
Лэбачсӧ вӧтлывлі:
Мун татысь...
Вӧзйысис олӧмам
Вояс.
Ӧшиням
Сир пемыд войӧн
Ляскысьліс сійӧ
Мыйтаысь.

7.
Турун вуджӧрсӧ
Радейта синмӧн.
Сылысь серсӧ
Гижӧд моз лыддя.
Тайӧ нигасӧ
Некод оз мырддьы,
Кытчӧдз
Шонді югӧрыс инмӧ.

8.
Зарни югӧрӧн
Гижны кӧ босьтчис,
Кутшӧм кывбур
Морт эськӧ паніс.
Гашкӧ, ловнас
Мыйтакӧ ямис...
Гашкӧ, сылы
Выль шонді воссис...