ВОЙ
Вой шӧр. Чӧскыд унмӧн узян вой шӧр.
Лыдтӧм кодзув, тӧлысь — тасьті вый...
Еджыд нылӧй, нюмъялан лӧз синма дзоридз!
Зарни! Мый тэ вӧчан ӧні, мый?
Чӧскыд мӧвпъяс кытшовтісны менӧ,
Ог узь, вемӧсӧн вӧтася ме.
Вӧтӧй — дзирыд, гажа саридз шемӧс!
Шондіыс сэн, сьӧлӧмшӧрӧй, тэ!
Гажӧй петӧ — кужи кӧ ме — гуны
(Тӧда — гусясьысьяс зэв пеж йӧз)
Долыд чӧскыд вӧтсӧ уна-уна —
Озырмӧдны жеб олӧмнымӧс.
Комиӧн гижис
Илля Вась