ВӦВЛІ БАДЬ, А ЛОИ ПОЖӦМ

«Ме, быттьӧ, тӧрыт вӧлі ичӧт,
И сэки шуліс меным бать:
«Со, пиӧ, ӧшинь улын, видзӧд,
Дзик тэ кодь быдмӧ дзоля бадь».

«Но ме войвывса пожӧм».
А. Некрасов.

Ме, быттьӧ, тӧрыт вӧлі ичӧт,
Сэк шуліс меным муса бать:
«Со рос вылас зэв бура видзӧд,
Тэ сы кодь лоан коркӧ — бадь,

Зэв нэриник, но быдмас сійӧ,
И сыкӧд ӧтмоз быдман тэ».
Вот лэбис кадыс, босьті киӧ
Диплом и ёна чуйми ме — 

Ӧд Ленинградӧдз волі быдӧн,
Пыр чайті баддьӧн лоны чожа,
Но вӧлӧм вужъяс менам пыдын:
Дипломын гижӧд: «Войвыв пожӧм».