ВӦР-ПУ ЙЫЛЫСЬ


Вӧр — крестьянинлы ён отсӧг:
Керка-карта ставыс пуысь.
Мый видз-муыд мортлы сытӧг?
Кынӧмпӧтыд кытысь вӧртӧг?
Код нӧ муас зарни тусьсӧ
Кузь тӧвбыдсӧ кынысь видзӧ,
Кӧдзыд тӧвсьыс коді кутӧ?
— Вӧр. А гожӧм — уль ру, вуджӧр
Косысь нянь вужъяссӧ видзӧ,
Гожйӧн сотӧмысь тшӧтш сайкӧ.
— Ставсӧ вӧр. А лёк во дырйи,
Оз кӧ нянь во? Бара вӧрыд
Нажӧтка кер дорын вӧчӧ,
Кыйны прӧмыс — сьӧла-ур…
Коді керка тӧвнас шонтӧ,
Кодыр шонді оз сет шоныд?
— Ставсӧ вӧр! А арын?
— Вотӧс, тшак. А тулыс?
— Пӧтка-лэбач сьылӧм шы,
Корӧсь кор да туис кыш…
Лыдтӧм, помтӧм мортлы бур —
Ставсӧ сійӧ сетӧ вӧр!
Сылы вӧртӧг оз позь овны,
Коді Суомиын олӧ.