ВЕТЛІГ-МУНІГӦНӦдзӧстӧ сиптігад Костӧдыс видзӧдлін: Енэж лӧз синъястӧ Сьӧлӧмӧдз сидзӧдлін. Мыйтӧм сэн лачаыс Лӧз енэж синъясад! — Дол ӧзтӧ морӧсӧ Медпыді инъясас. Ӧдзӧстӧ пӧдлалін — Енэжыс тупкысис. Са эшкын пемыд вой Юр вылам шупкысис. Век жӧ на мунан туй Паськыдджык важ дорысь, Сынӧдыс кокниджык — Мойдӧны гаж йылысь. Тувсов лун синъясад Енэжыс воссяс на. Кокньыдик нюмъялан Кыпыдлун босьтчас на. Рӧдтыштӧ код трамвай, Вартӧдӧ машина, Ӧшиньыд сиптӧса — Узян, дерт, важӧн нин.
