ВЕСЬ ЭСКӦМ


Коскӧдз кӧсаа, югыдлӧз синма —
Сыкӧд аддзысим виччысьтӧг дзик.
Сьӧлӧм ёвкмуні, вошті ме инӧс,
Нывъяс дінӧ кӧть ачым зэв чиг.

Орччӧн вальмасьлім сыкӧд ю дорын,
Кодыр лыаыс паччӧр кодь дон.
Сэсся, йӧюкыд, ошйыси кыдзкӧ:
Мися, мам, гортӧ вая том монь.

Эски гусьӧник мичаник нывлы,
Кӧть ме сы йылысь нем на эг тӧд.
Кыдзкӧ ӧтиысь шӧпкӧдӧм кылі:
«Менӧ важӧн нин радейтӧ мӧд.

Сійӧ служитӧ ылын, ракетчик...
Тэ жӧ ло меным кыдзи бур вок.
Сёрӧн аддзысим, шань зонмӧй, тэкӧд,
Кыкӧс радейтны ог вермы, ог!»