ВЕМӦСӦ ПӦРӦМ ВӦТКоми автономия воссигӧн, 1921 воВӧлӧма тай кодыркӧ олӧм — Ёна зэв ворслӧма сьӧлӧм, Ёна жӧ и доймавлӧма, коньӧр...________Кор вӧлі ме ёна на том, Кор олӧмлы вӧлі дас кӧкъямысӧд ар, Эг узьлыв ме войяс, эз локывлы ун... Сэкъясӧ Вемӧсӧн олігӧн ме вӧтавлі вӧт, Мый ӧні вемӧсӧ пӧрӧма сэксядыр вӧт. Висьтавны сы йылысь регыд, дерт, кывнад. Олӧмыс морт вывтід уна нӧ мунӧм...________Да. Вояс сэк вӧлі зэв омӧль на, лёк. Олӧм кор вӧлі зэв дзескыд, зэв шог, Сьӧлӧмсьыд вӧлі он вунӧдлы мог: Кор, мися, кольлывлӧ сьӧд, пемыд вой, Петавлас шондіыс дзирдалігтыр, Пуксьывлас гажа лун, оландыр бур. Кыаыс эськӧ тай кыптӧ нин вӧлі, Да шондіыс петтӧдз тай вевттис бӧр кымӧр. Эз удит мыччысьны шонділӧн югӧр, Бара на кытчӧдзкӧ нюжаммис вой... Сьӧкыд сэк вӧлі витӧд во бӧръяс, Шуштӧм зэв вӧвлі том йӧзлӧн кадъяс, Гажтӧм сэк вӧвлі том олӧм гажъяс. Йӧзкостса оланног зэв вӧлі дзуг, Дзескӧдӧм, нартитӧм виис быд лов. Шуштӧм, кыдз зверъяс пӧвст овнысӧ вӧлі. Он лысьт тэ сёрнитны, восьтывны вом. Восьса тай синъяс, да он, гашкӧ, босьт, Быд воськов видзӧдӧ, кыйӧ быд кыв, Стражник-урадник быдлаын тыр. Сы понда томдырйи жугыль ме вӧлі, Пемыд мен вӧлі енъюгыд лун, Шогысла, пикысла эг аддзыв ин. Сы пыдди войяснас ёна ме овлі, Кор ӧтнадӧн колян, йӧзыс кор узьӧ, Быдтор тай ас кежад дум вылад усьӧ! Майбырӧй, сэкъясӧ кытчӧ он волы! Мывкыдӧй-вежӧрӧй, кытъяс он ветлы! Колана сьӧлӧмнад мыйяс он керлы! Мӧвпалан, Кыдз, мися, лоӧ уна во бӧрын. Коми йӧз му вылас олӧмыс кутшӧм Быдторсӧ арталан, вӧйпан.
