УЗИС ЗАРНИ КЫМӦРТОР...


Кывтіс зарни кымӧртор
	енэж вывті.
Сувтіс узьны майбыртор
	слуда весьтӧ —
Гымгун морӧс вылас пуксис
	ыджыд кыпӧдлы.
Чӧскыд онмӧн кокньыдика
	лӧня узьыштіс.
Асывнас нӧ чеччис водз
	туйӧ мунны,
Кокньыд борднас шеныштіс —
	водзӧ лэбзис,
Долыд-гажа ворсігтыр
	лӧза енэжті.
Кольыштіс нӧ казьтылан
	джуджыд чурк йылӧ:
Чорыд морӧс небзьӧдан —
	югыд лысва.
Ӧтнас коли сулалан
	джуджыд слуда.
Ньӧжйӧ, шытӧг войталӧ
	сылӧн синва —
Бара коли ӧтнасӧн
	ыджыд дума...