УРОК КОСТЫН ЛЫДДЬӦ КЛАСС


Октябрятаяслӧн ёртыс
Вежон чӧж нин висьӧ гортас.
Быдмысь войтырлӧн оз вун
Сійӧс видлыны быд лун.
Ӧні налысь командир
Локтіс вежны Будимир.
Сійӧ тшӧктіс овны бура,
Мед примернӧй лоӧ класс.
Скӧрысь шуис:
— Коді дурас,
Сылы пукта печик пас!
Печлалӧмсьыд быдӧн полӧ,
Весиг Вильыш лӧня олӧ.
Урок костын лыддьӧ класс,
Кымын лун да кымын час
Висьны кутас гортас
Налӧн ыджыд ёртыс.