ТУВСОВ ВОЙЫН


	Тувсов войясын ставыс кыпавлӧ,
	Гажа войясын ортсӧ вӧзйысьлӧ
				мортлӧн сьӧлӧмыс.
	Тувсов войясын ёна овлывла,
	Югыд войяссӧ этша узьлывла,
				дзоньнам ловзьывла...
	Тувсов войясын ставыс кыпалӧ,
	Югыд сӧдз войнас пырыс тыдалӧ.
				Тувсов войясӧй,
	Мыйла бара ті сэтшӧм дженьыдӧсь?!
	Кыдзи видзӧдлан тшӧтшыд вӧр вылас,
	Кыа югӧрӧн ӧзъян кымӧрас —
	Кыптас морӧсыд, вӧрзяс сьӧлӧмыд...