ТОМЛУН


Локтӧ Войвылӧ шондіа тулыс,
Вайӧ аскӧдыс выль сьыланкыв.
Бара зонъяслысь уннысӧ гуас
Том зыряночка — мичаник ныв,

Припев:
Томлун, томлун —
кадысь водз эн дзормы,
Миян гажлун,
миян сьӧлӧм дой.
Томлун, томлун —
Эжва берег дорын
Мича нывкӧд
мусукасян вой.

Нывлӧн ӧшалӧ коскӧдзыс кӧса,
Сись кодь стройнӧй зырянкалӧн стать.
Югыд кыпыдлун сьӧлӧмас ӧзйӧ —
Локтӧ Войвылӧ радейтчан кад.

Припев.

Шоныд тӧвруыс окалӧ вом дор,
Эжва ю вылын потласьӧ йи.
Кокни платтьӧа, лӧз синма томдыр,
Мыччыв миянлы, мыччыв на ки.

Припев.

Лэбач сьылӧмӧн шызяс дзор парма,
Ныла-зонъяслӧн ӧзъяс любов.
Юсьяс-турияс воасны бара,
Миян томлунным бӧрсӧ оз во.

Припев.