ТӦЛА1.Кокни тӧвру тувсов асылӧ Юрси дзугӧ. Лолӧй тырӧма — Сідз котӧрті. Висьталанторйыс чукйӧн... Кӧн нӧ ӧні лов ышмӧдысь тӧвруыс Да тувсов муслун... И шондіыс, Мый меӧ дзебсьывліс Да эз куслы?..2.Тӧлыс петӧма кутшӧм — Кок йывсьыд нуас. Бабӧс, косіник бабӧс, Мед жӧ менсьым оз ну. Но эз кывзысь тӧлыс, Сьӧд арлӧн тӧлыс... Бабӧс, сьӧлӧмшӧр бабӧс, Нуис... Нинӧм он вӧч ни он шу...3.Рытъя кыаыс гӧрд. Аски лоӧ тӧла. Бабӧ пуксяс вурны аслыс Кыа рӧма платтьӧ. Ме ичӧтик вежӧрнам чайта — Матыстчӧ праздник, да радла. А бабӧ, вӧлӧм, Шывгӧма Гӧрӧдъястӧг платтьӧ.
