СЁРМИ


Бара сёрми аслам поезд вылӧ.
Зептын ковтӧг шаркӧдчӧ билет.
Ылын-ылын тутӧстлӧ на кылӧ
Тэрыб поезд. 
                       Рытыввылын блед
Тшыныс разалӧ да пӧрӧ кокни руӧ.
«Сёрмин, сёрмин», — эльтчӧ вильыш рельс,
Лачаясӧс ылі муӧ нуӧ,
Олӧм вужйӧс нуӧ. 
                         Оз нин рез
Рытъя шонді сьӧлӧм шонтысь бисӧ,
Оз нин вӧрпу сайысь киньтор пет.
Лысьӧм висьӧм дорысь сьӧкыд висьӧм
Мусладорын шаркӧдчысь билет.