СЬӦЛӦМ ЮАЛӦМ ВЫЛӦ ВОЧА КЫВ


— Кодыр медгажа тэн вӧльнӧй светас?
— Зӧлӧт-кага кор мам морӧс бердас.

— Медся мичаӧн мый лыддян, пиук?
— Шонді югӧрысь пестӧм яр бипур.

— Енэж вевт улас мый медся муса?
— Кок ув му, коді Пармаӧн шусьӧ.

— Кутшӧм сьыланкыв меднебыд шыа?
— Лэбач гӧлӧсӧн сьылӧ кор кыа.

— Кодыр овлан тэ зумышӧн, норӧн?
— «Война» кывйысь кор Му шарыс дзормӧ.

— Земля-матилы мый эськӧ сиин?
— Шондібанӧс мед некор эз вины!