СІЙӦ КЫВТІС ЫЛӦ

Рытывбыд
Ӧтнам ме гуляйті.
Зэв гажа вӧліс нӧрыс йыв:
Лӧз Эжва дорын зон и ныв
Дыр сьылім уна мича сьыланкыв,
Сӧмын найӧс мусукӧй эз кыв.

Поромӧн
Сійӧ кывтіс ылӧ.
И сійӧ ӧні кӧнкӧ сэн,
Двина кӧн тӧвкӧд нуӧ вен,
Кӧн ветлӧ уна еджыд пароход
Да лыдтӧм каля ӧвтӧ ассьыс борд.

Колипкай,
Висьтав меным, висьтав:
Кӧн пурсӧ мӧвкйӧдлӧ лӧз гы,
Сэсь кывлін-ӧ кӧть ӧти шы,
Кӧн эськӧ казьтіс менӧ муса зон?
Висьтав, — ӧд ме шогся. Тӧдан он?