СИГУДӦК


	Си везъя ворсанӧн
	Ворсны кӧ кута,
	Сы бӧрся сьывнысӧ
	Чойӧс кӧ тшӧкта...
		Сэк гашкӧ сьылӧмыс 
		Мыладжык юргас,
		Кыдзи тай войтӧлыс
		Шувгӧмӧн шувгас...
	Туана ытвайыв
	Сяльгӧмӧн сяльгас —
	Сэки нӧ сьӧлӧмсьыс
	Жайгӧмӧн жайгас.

* * *
Си везйӧн кӧ ворснысӧ
	Рытгорулӧ босьтчывла,
Вӧр-ва горӧн сьывнысӧ
	Ворсігмоз кӧ горӧдла...
Кытӧн пӧ и си везйыс?...
	Кытысь сійӧс судзӧдны?
Си бӧжсӧ тай чибӧлысь
	Си пож вылӧ вундӧны.
Айӧлысь кӧ юалі:
	«Кытчӧ сійӧс сайдӧма?»
— Ме пӧ сійӧс вунӧдлі
	Вӧр керкаысь вайнысӧ.