ШУДТӦМЪЯСБӧрдӧ-бӧрдӧ мам; Пиыс дінас рам… Сёшайт вильыш, шань, Кор эм йӧв да нянь! Сэні-й батьыс эм — Сылы дзик тай нем! Куйлӧ, куйлӧ лун и вой, Удж вылӧ оз лэпты сой! Со нин коймӧд лун Удж вылӧ оз мун, Куньсьӧм, олӧ чӧв, Бӧрдӧмысь оз ӧв, Из кодь сьӧлӧма Сійӧ лоӧма… Куйлӧ, куйлӧ лун и вой, Оз лэпты ни юр, ни сой! Мортыс, тыдалӧ, Аслыс арталӧ Гортсьыс пышйыны, Гуӧ дзебсьыны… Коркӧ шогсьывліс, Коркӧ ноксьывліс… Тырмас сы серти! Сы шой Куйлас тан медбӧръя вой!
