ШОНДІ ЙЫЛЫСЬ1.Шондіӧй! Он жӧ тэ ломав Коми грездъяс вылын дыр! Енвевтын и лун он помав, Комиӧс, дерт, видзан пыр, Мед оз пӧсяв, мед оз шомав, Мед оз госыс пет, оз быр… Шондібанӧй! Гӧрны-кӧдзны, Нянь воӧдны, госсӧ вӧчны Колӧ на тай миянлы… Югйыштлы тэ, шонтыштлы!2.Шонді — нарт юр лэптас вылӧ — Видзӧдлас и пырас бӧр… Енвевт войталӧ, кыдз сылӧ… Бергӧдчӧ туй вывсьыс гӧр… Сьӧлӧм комилӧн шог кылӧ, Да кыв ёрсьӧмӧн оз вӧр… Сідзи лов, код сюрас адӧ, Енмӧн вунӧдӧма кадӧ, Оз вид енмӧс… Тӧдӧ лов — Ен буртӧг оз мукӧд ов!3.Кутшӧм ва туисын тӧлын Гӧгрӧс йи тай посводзын, Сэтшӧм кӧсйин лоны-й вӧлін Гожӧмбыд тэ, шонді, кын… Тэ кӧть сералӧмысь ӧлін, Миян синваысь эн мын! Исус Навин моз, эг тшӧктӧ, Кевмысим ми: «Сувтлы шань!» Ас вылад, кор нем эг ӧктӧ, Шензим юльӧдз августсянь…4.Гӧрысь! Весьшӧрӧ ми корам Босьтанторсӧ кевмысьтӧг! Енма-муаӧс ми ёрам, Шонді вылӧ кутам лӧг… Асьным… асьнымӧс ми дорам Паччӧрӧ, м’оз вӧрзьы гӧг! Чеччы, вокӧ, мутӧ понды Видлывлыныджык! И шонді Югӧрнас сэк судзӧдчас, Ӧктыны нянь отсалас…5.Таво мыжъясӧс ми кондім! Таво мелі шонді-зон Муӧс ныв морӧс моз шондӧм… Няньпиянсӧ, кодлы дон Абу, чукӧртавны пондам, Мыйта медводз фараон! Ог нин эльтчӧ! Морта-мортӧс такӧд Сӧмын аскӧд, мукӧд, мувывсакӧд Кытчӧӧдз вын судзсьӧ вермасьны, Енвевтсалы сӧмын кевмыны!
