* * *

Шонді югӧрыс юрситӧ шыльӧдӧ,
Сійӧ радлӧ, мый воин тэ гортӧ.
А ме тэ вылӧ шензьӧмӧн видзӧда:
Аддза, мыш саяд кыптӧны бордъяс.

		Лэбзьы, эн пов,
		Ме тэкӧд.
		Вылӧджык лэб, и сэки
		Аддзылан:
		Сывъялӧ енэж мусӧ,
		Налӧн оз быр, оз куслы
		Радейтчӧм.

Шонді югӧрыс синъястӧ югзьӧдӧ,
Пырыс тыдалӧ инасьтӧм лолыд.
Водзӧ лэбан, и шондісӧ судзӧдан,
Сӧмын оз ков пӧсь югӧрсьыс повны:

Енэж сьӧлӧмын некод эз сотчывлы,
Воча сетліс кӧ югыдсӧ сылы.
Тэ ӧд некытчӧ некор эн кольччывлы — 
Лэбзьы, мусаӧй, вылӧджык! Кылан?