СЕРПАС


Помасис кокньыдик платтьӧа гожӧмыс,
Ыркалӧ, букыдмӧ руд синма ывла выв.
Унзільӧ вӧйтчӧны гожъялӧм пожӧмъяс,
Чӧв-лӧняс оз нин кыв кайяслӧн сьыланкыв.

Шондіыс быттьӧкӧ вошӧмысь повзьӧма,
Уліті вӧр весьтті дзӧръялӧ-кытшлалӧ.
Муртса на асылыс синъяссӧ восьтӧ-а,
Гыӧрзьӧм платтьӧ нин том кыдз пу кышалӧ.

Вижӧдӧм коръясысь муыслӧн джодждӧра,
Жов куст гӧрд шондісӧ водз тырыс вотӧма.
Арыс со локтӧма тӧвйыны сад йӧрӧ,
Ойбыртӧм пуяслӧн кок улӧ водӧма.