САРИДЗ САЙЫН...


Саридз сайын, ылын-ылын,
Кӧні буржуй власьт,
Кылӧ лявзӧм: «Сӧвет вылӧ
Война, война дасьт!»

Сідзкӧ, вокъяс, бара тышӧ...
Э-эк! Кызьӧд вося моз!
Сӧвет Союз вылӧ гыжсӧ
Ёсьтӧ кырныш поз.

Став мувывса бандит чукӧр...
Э-эк! Кыпӧдӧма зык.
Му шарыслӧн квайтӧд юкӧн
Сутшкас налы штык.

Первой ӧмӧй косяс петам...
Э-эк! Кужам нуны тыш.
Капиталлы гӧрбас сетам —
Чегас сылӧн мыш!

Ӧтитӧг ми ружье кутам...
Э-эк! Паныд сувтам тшем.
Не вермыны Сӧвет мутӧ,
Не вермыны нэм!

Саридз сайын, ылын-ылын,
Кӧні буржуй власьт,
Кылӧ лявзӧм: «Сӧвет вылӧ
Война, война дасьт!»