САЛЬВАДОР АЛЬЕНДЕ

Выль туйӧд нуӧдіс народӧс президент,
Мед Чили весьтті ветліс шудлӧн ыджыд шонді
Да мырсьысь йӧзлысь сьӧлӧмъяс век шонтіс,
Мед югыд вӧліс овны му выв свет.

И шонтіс мырсьысь йӧзӧс шоныд, кокни бриз.
Но друг Сантьяго вылӧ страшнӧй ыджыд биӧн
Грӧмилӧ чукӧр вувзьысисны, мед пеж киӧн
Мезд пӧдтыны и подувъяссьыс жуглыны быд из.

Альенде Сальвадор эз дрӧгнит, кӧть и смерть
Сы ордӧ пырис, — сылы сувтіс сійӧ паныд
Да шуис повтӧга: «Ме — Мездлун Знамя тані,
И сылысь алӧй рӧм оз кусӧд биа смерч!»

Альенделысь лов босьтіс подлӧй автомат,
Но нимыс нэм оз кув — пыр Мездлысь кутӧ стяг!