РЕВОЛЮЦИЯЛӦН ЗАКОНРеволюция — Абу кыв, коді тыртӧм, Революция — Важ устойяс жуглалӧм. Революция — Вынӧн олӧмас пыртӧм Выльӧс, Код югъялӧ. Ачыс сідз важыс Оз сетчы, Тӧкӧдчыны сыкӧд Оз позь, — Колӧ чорыда шуны: «Тэ трон вывсьыд Лэччы, Исковт пропастьӧ, Со тэныд нёзь!» Код ачыс оз лэччы сэсь — Рельӧ, Сійӧс пӧдтыны Адскӧй биӧн, Весавны врагысь Быд пельӧс Революциялӧн Уклад киӧн! Гуманизм — Сьӧд вынъяслы абу: Накӧд тӧкӧдчӧм — Сійӧ смерть, Курыд тшын йылын Тэнад кобув, Тэнад керкаын Биа смерч. Али тайӧс оз казьты Чили, Альенде кӧн Сальвадор Пиночетъяслысь Сьылі эз пилит И эз лэдз налы Черлысь дор? Эскӧй: митингъяс Вывті бурӧсь, Кор эм мыш саяд Вына креж. А вот абу кӧ, Ворсан юрӧн, И тэ му вывсьыс Нем он веж.
