ПОМАСЯС-Ӧ ОЛӦМЫС МУ ВЫЛАС?

Помасяс-ӧ олӧмыс
Му вылас?
Ӧні тшӧкыда зэв
Юасьӧмъяс кылан.
Помасьнытӧ,
Помасьӧ тай сійӧ.
Быд лун смертьыс
Уна олӧм виӧ.
Но быд муныськӧд
Оз тупкысь вӧльнӧй светыс.
И быд асыв
Век на шонді петӧ.
Но мед лёк пӧ
Чергысяс да бырас,
Енвевтувса муыс
Ваӧн тырас.
Либӧ сотчас муыс,
Ловъя лолыс.
Тайӧ быттьӧкӧ пӧ
Бытьӧн колӧ.
И кор бырас пежыс,
Лоас сӧстӧм.
Енмыс мулы
Выль олӧм би ӧзтас.
Гашкӧ-й, сідзи колӧ,
Мед ми бырим?..
Грекӧ вӧйим,
Став лёкнас ми тырим.
Но, а чужӧм кага
Мыйӧн мыжа?
Лоас места сылы
Ковчег пыжас?
Мыйӧн мыжа
Вӧр-ва, кывтӧм пемӧс?
Енлӧн милӧстьыс
Кӧть налы эм-ӧ?
Мен жӧ сӧмын
Ӧтитор и колӧ —
Му вылас мед некор
Эз ор Олӧм!