ПОХОДЫН

Лым песім-талялім походын
Кузь вой, дзонь лун и рытывбыд,
И вӧліс окота зэв водны
Да пӧсьӧс панялыштны шыд.

Но уджным, вӧчим мый, куш — панас,
И шуис полкса командир:
— Кор вӧчам удж, мед юр эз янав,
Сэк вӧлись шойччыштамӧй ми.

И, муртса лов кӧр лэдзӧм бӧрын,
Ми панім врагкӧд ыджыд бой.
Мый лоис сэки тӧдтӧм вӧрын,
Та йылысь висьталас мед вой.

Вӧр лоис куш. Лым ойдіс вирӧн.
Фашистъяслӧн — кӧн юр, кӧн сой,
Металлӧн чукӧръяс — торпырык
Враг танкъяслӧн да лыдтӧм шой.

Ми мунім водзӧ, враг жӧ — бӧрвыв,
Пыр сэтчӧ, кӧні сылӧн гу.
И нимкодясис асъя вӧр йыв
И миян став Сӧветскӧй му.

Мӧд сиктӧ сувтім кор походысь,
Лым вольпась вежлыны мед тшук,
Зэв лӧсьыд рытыс вӧлі водны,
И вӧліс шыдным пӧсь и сук.