ПЕРЕКОП


С-со — Перекоп.
Гӧгӧр — вевся окоп.
А сы сайын — 
	Крым,
		гӧрааин.

А водзынджык — 
пыдӧстӧм море — 
гыалӧ-ызгӧ,
мездлуна олӧмъяс
	сьылӧ.

Но мореыс тайӧ
абу на тэнад.
И Крымыс на — абу.

А тэ водзын
нюжвидзӧ-куйлӧ
сизим вевся окоп,
крепосьт Перекоп.

Гӧгӧрыс жервидзӧ
	пушкаяс,
а тӧлыссӧ эралӧ
ӧруддьӧ вомас.

Тӧлӧй тэ, тӧлӧй!
Мед эськӧ
	лэблін тэ
саридзьяс саяс,
сьылыштін сэтчӧс
тӧвъяслы вояс,
сьыланкыв Октябрлысь
	збойяс.