ПАШӦ-ПИӦ


Пашӧ-пиӧ, чеччы, чеччы!
— Чечча эськӧ, да ог мыссьы.
— Пашӧ-пиӧ, мыссьы, мыссьы!
— Мысся эськӧ, да ог кӧмась.
— Пашӧ пиӧ, кӧмась, кӧмась!
— Кӧмася эськӧ, да ог пасьтась.
— Пашӧ-пиӧ, пасьтась, пасьтась!
— Пасьтася эськӧ, да удж вылӧ ог мун.
— Пашӧ пиӧ, мун удж вылӧ, мун!
Пашӧ-пиӧ кильчӧ вылӧ петіс,
Нюжмасьны кутіс,
Вильдіс да уси —
Кильчӧ поскӧд грымнитіс
Дай няйт вылӧ шлячкысис.
	Гач кӧвйыс ори,
	Кӧтіыс резьдіс,
	Дӧрӧм кизьыс сюрк-сярк,
	Дукӧс вӧньыс рутш-ратш.
Челядь пиян тільсъялӧны,
Бӧрля вылас вильсъялӧны;
Зонъяс-нывъяс ваксьӧны,
Ыжъяс-межъяс баксӧны;
Верстьӧ войтыр сералӧны;
Понъяс-каньяс эралӧны;
Пӧльяс-пӧчьяс ружтӧны:
«Вот сэсся и удж тэныд!»
Петук садьтӧг повзис,
Потшӧс вылысь лэччис,
Горӧдіс лёкгоршӧн:
«Пашӧ-пиӧ, чеччы!»