* * *

Овлӧ кывбур — то кыпыд, то нор,
Кӧні олӧмыс син водзад сувтӧ
Пукся кывбуръяс гижны ме кор,
Тшӧтш и понйӧй сэк рифмаӧн увтӧ.

Быд эпохалӧн аслас поэт.
Кутшӧм олӧмыс, сэтшӧм и кывбур.
Ӧні гижысьыд уна, и, дерт,
Кодкӧ — бипур, а кодкӧ и — шырби.

Быд районын эм уна поэт,
Оз сюр весигтӧ сы мында шырсьысь,
Кӧть и гижан удж мортӧс оз верд,
Синсьыд би петмӧн лун-вой кӧть мырсьы.

Гижан удж — сійӧ зэв сьӧкыд удж,
Кӧть и сыысь, дерт, киыд оз гаддясь.
Шуда сійӧ, код гижны оз куж,
Коді челядьлы вӧчалӧ дадьяс.

Джуджыд кывбурыд вӧрзьӧдӧ лов,
«Коми ань» сьылан оз чусмы нэмсӧ.
Коркӧ чужас-ӧ выль Ген. Юшков —
Тӧдӧ та йылысь ӧтнасӧн Енмыс.