* * *

Ӧтпыр зэв мем дзугыль лоис,
Ас пиӧ эз ло нин тӧрӧм!
Мый нин? — шуа. Пурт ме босьті —
Да и вунді… няньысь шӧрӧм!

Мӧдысь сьӧлӧм потліс шогысь,
Видзӧд — гӧгӧр дзугси, гартчи…
Дыр-ӧ?.. Шыбитчи ме юӧ —
Да ме мӧдлапӧлас вартчи!

Коймӧдысь ме ёри олӧм,
Кувны ковмис меным бара —
Шыбитчи нин би вылӧ сэк —
Да и ӧзті ме сигара!

Пуртӧй, ваӧй, биӧй! Кыдзи
Дона олӧмӧс ті босьтад?
Шогысь тіянӧс ог корсь нин…
Шогъяс! Асьныд менӧ косьтад!