





* * * Роч гижысь Петыр СтолповскӧйлыӦткодьлуныс уна Миян костын эм. Кыкнаннымлы медводз Сиа ме кузь нэм. Мусмис тэныд Войвыв — Менам чужан му. Тайӧ радейтӧмсӧ Сьӧлӧмад век ну. Коми аньлӧн верӧс, Коми йӧзлӧн зять — Унатор нин тэын Комиыслӧн стать. Истӧг тув кодь веськыд, Ме кодь жӧ тэ кос. Винёлӧсь ми тэкӧд, Кыдзи-й сирӧд коз. Сьӧлӧманым миян Абу на сёр ар. Меа-тэа, быттьӧ, Коми-роч словар. Вывтіасьтӧг пасъя, Тӧдчӧда ме тадз: Гижан уджыд, збыльысь, Из сёртӧм кодь нач. Енбисӧ пӧ мортлы Сетӧ ачыс Ен, Сійӧ югыд биыс Вичмӧма и тэн. Кывбур помын тэнсьыд Топӧдыштла ки. Выльыс аддзысьлытӧдз, Митрӧпанлӧн пи.