ӦШИНЬ УЛЫН БЫДМИС НИА

Ӧшинь улын
Быдмис ниа.
Ок, и джуджыд ниа,
Да ыджыд бушков чегис.

Вӧліс менам
Дона мусук.
Ок, и дона мусук,
Да война вылын усис.

Шогӧй вӧсна
Гортысь муна.
Ок, и гортысь муна
Да паськыд веж видз вылӧ.

Веж видз вылас
Быдмӧ дзоридз.
Ок, и мича дзоридз
Да югыд шонді рӧма.

Емва юысь
Ва ме вая.
Ок, и ва ме вая
Да дзоридзсӧ и пызъя.

Ӧзйы, дзоридз, 
Мича рӧмнад.
Ок, и шонді рӧмнад
Да му выв эрдсӧ гажӧд!

Му шар вылас
Шогыс уна,
Ок, и вывті уна,
Да радлуныс оз тырмы.

Ӧзйы, дзоридз,
Мича рӧмнад,
Ок, и шонді рӧмнад
Да сьӧлӧм менсьым гажӧд!