ОЛӦМ-ВЫЛӦМ

1

Войтва виялас, а войнас
Муыс лоӧ кӧрт кодь кын.
Бара менам сьӧлӧм доймӧ,
Эновтӧны шуд и вын.

Войвыв тулыс кодьыс олӧм:
Шонді шонтыштас и бӧр,
Сэтшӧм кӧдзыд меным лолӧ,
Сэки ырзӧмӧн кӧть бӧрд.

2

Шуасны кӧ: «Выльысь ов!»
Воча шуа: «Мем оз ков.
Ог нин ло ме сійӧ ачым,
Сідзкӧ, татшӧм менам лача.
Тайӧ менам шуд и шогӧй,
Олӧм-вылӧмӧй и могӧй».

3

Кыз олӧмсӧ нин
Лои менам олӧма.
Но век на водзысь
Бурыс мыйкӧ колӧ на.

Да, сьӧкыд меным
Енмыслы нин эскыны.
Кыдз кусӧдӧм бипуртӧ
Сьӧкыд пестыны.

И бӧръя туйӧ
Вичкоын оз сьылӧдны.
Но эска, сэк
Оз талявны ни ылӧдны.