О, МЫЙЛА ТЭНӦ ПАНЫДАЛІ

О, мыйла тэнӧ паныдалі? Мыйла
Сэк вочавидзин сьӧлӧм шынад тэ?
Эг аддзыв кӧ, сэк курыд шог эз сывъяв
И жугыльлун эг тӧдлыв некор ме.

А ӧні косьтан, косьтан менсьым сьӧлӧм, — 
Тэ сэтчӧ ӧзтін куслытӧмӧс би.
Он виччысь кӧні, муслун сэні сӧлӧ,
И гӧрӧдсӧ ог вермӧй разьны ми.

Пыр олӧ сійӧ аслас ыджыд нэмӧн
Да зыртӧ сьӧлӧм, вӧчӧ ыджыд дой.
Тэ нэм кежлӧ мен пырин вирӧ, вемӧ,
И тэ вӧсна оз узьсьы меным вой.