О-ЭЙ, ВАЛЯЙ

Шонді банӧй, йӧв вежа лунӧй!
	Ислав пӧ ӧд дай,
	О-эй, валяй!
Ставлы гажа гажӧдчан лунӧй,
	Гажӧдчӧй пӧ дай,
	О-эй, валяй!

Мегыръясын мича лентаяс
	Ӧвтчӧны пӧ ӧд дай,
	О-эй, валяй!
Зильгӧны и кӧлӧкӧльчикъяс,
	Зильгӧны пӧ ӧд дай,
	О-эй, валяй!

Быгйӧдз пессис чорыд туй южыс.
	Пессис пӧ ӧд дай,
	О-эй, валяй!
Ӧтчыд овлӧ йӧв вежа луныс,
	Ӧтчыд пӧ ӧд дай,
	О-эй, валяй!

Тӧвбыд мырсим, пессим кер дорын,
	Пессим пӧ ӧд дай,
	О-эй, валяй!
Пӧсьджыка вай нывсӧ кутлы тэ,
	Окышт аканьсӧ да,
	О-эй, валяй!

	Мед сьыліс лов.
	Гликерия, Гликерия,
	Ми царскӧй путкыльтім империя
	И ӧні...
	Да тэ видзӧд, кутшӧм нэмыс!
	Сійӧ долыд.
	Аслад шуд вӧсна эн пов!
Бур мортлы кисьтыны мӧй жаль,
Кор штопын эм?
Да нӧшта сэк, кор вайис шаль...
— Ю, ю. Кузь нэм! — 
Иван стӧкансӧ лэптӧ вылӧ,
Сійӧ рад
И бара долыд сьылан сьылӧ:
— Бур жӧ кад!
	Гликерия, Гликерия,
	Тэ кисьты нӧшта неуна,
	Мед сьыліс лов.
	Гликерия, Гликерия,
	Ми царскӧй путкыльтім империя
	И ӧні...
	Да тэ видзӧд, кутшӧм нэмыс!
	Сійӧ долыд.
	Аслад шуд вӧсна эн пов!