НЫВБАБА ЧУКӦРЛЫ


Нывъяс и бабаяс — ставныд,
Пемыдын узинныд дыр.
Важӧн ті тӧдлінныд сӧмын
Кага да пач водзысь зыр.

Пач водзысь водзӧ эн мунӧ;
Дорӧма вӧлі сэн кок.
Уна нэм узинныд сэні,
Эн лысьтӧ паськӧдны вом.

Мартын ті сетінныд юӧр —
Садьмӧдны ассьыныд ун.
Петіс сэк нывбаба чукӧр
Матыстны Октябрлысь лун.

Октябр лун тіянлы сетіс
Нэм кежлӧ ыджыд зэв мез.
Дӧрӧмтӧ ки-кокысь песіс,
Орӧдіс шыркмунӧм гез.

Март кӧкъямысӧд лунӧ
Ӧтувтӧй ассьыныд вын.
Ӧтувйӧн кокниджык мунны,
Югдӧдны пемдӧма син.

Октябрлысь кодзувсӧ нуӧй,
Ленинлысь велӧдӧм ті!
Сійӧн ті сьӧлӧмъяс пуӧй.
Ӧзйӧ мед сьӧлӧм, кыдз би.

Мартын ті сетінныд юӧр —
Вӧтлыны озыр лёк йӧзӧс.
Март лунсӧ ӧзтӧ гӧрд югӧр,
Сыысь мед став муыс ӧзъяс!