МЫЙ НӦ СЭССЯ ЛАНЬТІН? Чисталёв Тима ВеньлыШушкис пожӧм, шӧпкӧдчисны козъяс, Кӧнкӧ дзольгис, туйсӧ корсиг, шор. Лэччылім ми рытын берег дорӧ, Кывзыны мед тэнсьыд сьылӧм гор. Кылім сьылӧмсьыд ми вӧр-ва сёрни, Аддзим войвыв ывланымлысь мич. Мый нӧ сэсся ланьтін и он сёрнит, Кывбуръяснад чолӧм тэ он видз? Аддзан, кутшӧм нэмыс? Гӧгӧр пуӧ Пятилетка тыртана пӧсь удж. Шудлунным и гажлун миян туӧ, Кыдз нӧ сэсся уджӧ сос он пудж? Талун ми зэв ыджыд лэптім труба, Кутас сэтысь мурксьыны сьӧд тшын. Ог нин ӧні важ моз олӧй рудас, — Зэвтам электричестволысь вын. Тэ жӧ, кодкӧ шуис кыв, и повзин, Увтӧ пон, но шысӧ нуӧ тӧв. Сьӧлӧмсьыд тэ вынйӧр ассьыд ловзьӧд, Сьыланкывйӧн шызьӧд ывла чӧв! Миян кадӧ измыд вывті уна, — Быдӧн аслас весьтӧ грамотей. Сӧмын эскы: веськыда кӧ шуны, Удж да изм эз вӧвлыны кык кей. «Трипан Вась» тэ гижин — овны кутас, Сы вӧсна, мый сійӧ — Трипан Вась, Коді медбӧръя тусь кӧдзӧ йӧзлы шудӧ, Олӧмыс эз кӧдзав медым тась.
