МЫЙ ЛОАС ВОДЗӦ?

То куш му дырйи
Вӧрыс, ваыс кынмӧ.
То войтва виялӧ,
Кор коскӧдзыд нин лымъя.
То тулыс нюжалӧ да
Гожӧм шӧрӧдз кыссьӧ.
А гожӧм кӧдзыд
Шляча зэрӧн мыссьӧ.
Ӧд енэжным нин
Косяссьӧма, розя,
А сынӧдтӧгыд
Овнытӧ мӧй позяс?..
Вӧр-ваыс оз нин
Лолав аслас лолӧн.
И морт нэм чинӧ,
Слабмӧ рӧд и олӧм.
И палявнысӧ
Некыдзи ог кӧсйӧй.
И бур олӧмсӧ
Челядьлы ог вӧзйӧй.
Став ловъя ловсӧ
Вайӧдім нин пикӧдз.
Ми вежӧрсялам коркӧ?..
Йӧймам дзикӧдз?..
Ӧд Му шарыслӧн
Талун лолыс пӧдӧ.
Мый лоас водзӧ,
Сӧмын енмыс тӧдӧ...