* * *

Мусьыс, кӧн олісны югыдлӧз вӧтъяс,
Мунасны зэр бӧрся лэбачьяс-кывъяс.
Коран на найӧс, а найӧ оз кывны —
Кольӧны сьӧлӧмӧ шогсьӧмъяс-слӧтъяс.

Дзуркнитас ӧдзӧс — и лолыштас арыс,
Керкаӧ пырасны горттӧммӧм коръяс,
Быттьӧкӧ пӧльыштӧм шудыслӧн торъяс,
Быттьӧкӧ юавны — кымын тэд арӧс.

Лӧз лымйыс локтас — и паметьӧс вордас.
Сӧмын ме войяснас вӧтасьны мӧда,
Быттьӧкӧ кылам на ми ӧта-мӧдӧс,
Быттьӧкӧ локтӧны лэбачьяс гортӧ.