МУРКА


Кор на ичӧт вӧлі каньыс,
Нывка вердліс сійӧс паньысь.
Кымын водзӧ — Мурка ышмис,
Сэсся-й дзикӧдз сійӧ дышмис.
Ачыс кынӧмпӧт оз перйы,
Сёйӧ сӧмын йӧв да чери,
Абу нимкодьыслы помыс:
Пельысь пельӧдз каньлӧн вомыс.
Уссӧ шыльӧдас и Мурка
Водас крӧватьӧ да мургӧ,
Гӧбӧчын кӧть пыді жыръяс
Йӧктӧны сэк вельмӧм шыръяс.
Кор нин ас ку письыс петіс,
Налькъяс вӧчис нывлӧн дедыс.
Яндзим лои Мурка каньлы:
Ӧні кутасьӧ, оз ланьтлы.