МУНІСНЫ ГЕОЛОГЪЯСМунісны геологъяс Сиктӧд асывводзын. И вот кытчӧ? Тӧд мун! — туйныс кузь. Шонді кисьтіс югӧр — Кӧть мед курав соддзӧн, Асъя лысва дзирдавны эз узь. Мунысьяслы горӧдсис: — Менӧ тшӧтш ті босьтӧй! Уджавны ме кужа, уджын зіль. — Серӧктісны зонъяс: Вывті пӧ тай ёсь тэ! Тӧдан-ӧ сьӧд пармаыслысь тіль? Вӧліс зэв ӧбиднӧ мен, — Ӧтдортӧны нылӧс, Быттьӧ нэмӧс чунялі куш ма... Воис сэк начальникыс, Нораси ме сылы, Сійӧ шуис: — Пӧвар? Колана. — Ветлӧдлам ми вӧръясті, Сувтам — зіля пуся: — Сёйӧй — ставыс чӧскыд и зэв пӧсь! — Сёясны геологъяс, Ӧти — шогӧ усьӧ, Ышлолалӧ, быттьӧ доймӧм вӧзь. — Перечыс эз лӧсяв мӧй? Юала ме сылысь. — Али помка кутшӧмикӧ мӧд? — Сійӧ нор и нюмъялӧ: — Курыд сійӧ. Збыльысь. Но ме шогся... Синсьым мӧй он тӧд? Вак-вакӧн ме серӧкті: — Донаӧй, эн шогсьы, Муслун вӧсна синваӧн эн бӧрд. Гашкӧ, тайӧ вӧръясас Тэ вӧсна и локті, — Нывлӧн сьӧлӧм тожӧ абу кӧрт!
