МЕНАМ КЫВЪЯСӦЙ


Менам кывъясӧй тайӧ — вир тусьяс;
Менам гижӧдъяс — менам синваяс;
Кыпыд сьӧлӧма оландыръясӧй.
Менам ставыс сэн — гижӧд-висьтъясас.
Тайӧ кывъясас — войвыв дзоридзьяс,
Кыла ачымӧс сійӧ шыяссьыс:
Сьӧлӧм дойясӧс, мича муслунӧс,
Небыд, нормана сьӧлӧм вӧрзьӧдӧс...
Сідзи морӧсад ставыс чукӧрмас,
Мыйӧн пасйыштан — вӧлись личмунас.
Кывзышт, лыддьысьӧй, чӧскыд кӧръяссӧ:
Абу прӧста сідз найӧс лӧдӧма,
Сэтчӧ пуктӧма — мый меддонаыс.