МЕДБӦРЪЯ КОСЬ


Ми бура шойччӧм эг нин тӧдлӧй косьяс бӧрын,
Пыр вӧлі некор — тыштӧ личӧдны оз позь.
Европа джынсӧ кыссим, кынӧм вылын гӧрим,
А аски, гашкӧ, лоас медбӧръя нин кось.

	Сьывтас:
	Неуна нӧшта вай зэвтлам вын,
	Медбӧръя кось век медся сьӧкыд.
	Гаж бырис гортысь, сэн чужанін,
	Но он тай тӧд, кӧн суас рӧкыд.

Ме нёльӧд во нин песся мустӧм война вылын.
Бать-мамлӧн нёльӧд, медбӧръяӧн чужтӧм пи.
Мен эськӧ гортын пӧся радейтны том нылӧс,
Дай чужан мулы медым инмис аслам ки.

	Сьывтас.

Ми аски петам воча ныра чорыд бойӧ,
Россия-мамлы сетам медбӧръяысь долг.
Некутшӧм полӧм абу татчӧ усьны шойӧн,
Кӧть ловйӧн кольны быдӧн пуктӧ аслыс мог.

	Сьывтас:
	Неуна нӧшта вай зэвтлам вын,
	Медбӧръя кось век медся сьӧкыд.
	Гаж бырис гортысь, сэн чужанін,
	Но он тай тӧд, кӧн суас рӧкыд.