МЕ ДА ВОЙ

«Вӧр весьтын тӧлыс — зарни майтӧг кус,
Веж кымӧръясын — быгйын быттьӧ мыссьӧ.
Туй бокын шогсьӧ бусӧн тырӧм куст.
Сьӧд войыс мелань надзӧникӧн кыссьӧ».
А. Некрасов.

Вӧр весьтын тӧлысь — зарни майтӧг кус,
Веж кымӧръясын — быгйын быттьӧ мыссьӧ.
Туй бокын шогсьӧ бон кодь мича куст.
Сьӧд вой, кок мыськан ва моз, мелань киссьӧ.

Крут гӧра йылысь керка — пипу вор,
Сэн коркӧ чужлі, быдмывлі да овлі,
А чужан сиктӧй быттьӧ пывсян гор,
И долыд менам мышкулы и ловлы.
Видзӧ пӧлӧн ветлӧ гусьӧникӧн тӧв
Да мунӧ нильзьӧм корӧсь кодь веж расӧд.
И бара менам морӧс пытшкын чӧв.
И сьӧлӧм менам бара — биа ньӧв,
Но кунва войыс мыйлакӧ оз разав,
И варгам кыкӧн: вой да А. Некрасов.