МАРИНА


1.

Тэ меным,
Марина,
лоин енмӧн.
Еджыд діяс вылас сьӧд лэбачыс мыйта...
Гӧгӧр ытва...
Кадыс лэбач чукӧрсӧ оз пӧдты —
лолӧ вайӧ —
вал вывтіыс лэбач гыыс кайӧ...
Помтӧмлуныс вына.
Лэбач борд йылын
выль асыв тэ,
Марина.

2005.10.12
2.
Пыр менам син водзын 
Марина Цветаевалӧн книгаыс. 
Книга кышӧд вылас серпас: 
Марина... киас дзоридза.

Топӧдӧмыд киад
ӧти дзоридз.
Сійӧс вайин меным —
кыла тадз.
Сё во мысти
чӧла
морӧс дорӧдз,
быттьӧ мӧвпыд
сибӧдчывны нач
пыдын быдмысь
чим гӧрд дзоридз дінас,
сетыштыны сылы
ассьыд вын.
Сотышт
кывйын олысь ӧдъя бинас...
И мед лолыс мортлӧн
оз ло кын.

2006.04.10