ЛЕНИН ЙЫЛЫСЬ ИСПАНСКӦЙ ЙӦЗ КОСТ СЬЫЛАНКЫВ

Шань — апрель, — век сійӧ дзордза,
А январь — зэв кӧдзыд, скӧр.
Сійӧ воліс тувсов дзордзӧн,
Кӧдзыд войӧ муніс бӧр.

Пӧдарит, апрель, веж садсьыд
Ассьыд медся мича цвет.
Тэд, январь, ми абу радӧсь:
Нуин цветсӧ, а эн сет.

Ывла вылын бушков пессис,
Нуим знамя улын горт.
Скӧр январын мырсьысь йӧзлӧн
Кувсис медся дона ёрт.

Вирын-яйын йирмӧг оліс, — 
Ставӧс кынтіс тайӧ лун.
Дзоридзлӧн кӧть нэмыс орис,
Нимыс некодыр оз вун!