КЫЗЬ ӦТИӦД НЭМ


Мороз-пӧльӧным ыджыд вын-эбӧса,
Пӧся чеплялӧ ки-кок и ныр.
Тӧвся лунъясыс кыккокйыв лэбӧны
Кызьӧд нэмыскӧд панласигтыр.

Кызьӧд нэм! Мый жӧ колян тэ йӧзыслы?
Коммунизмсьыд со колис тшын-бус.
А ӧд пӧль-пӧчным, бать-мамным ӧзйисны,
Медым шудаӧн век вӧлі Русь.

Ӧнӧдз кӧнсюрӧ мунӧны войнаяс,
Кылӧ гым шысӧ тшӧтш Коми край.
Гашкӧ, Енмыс на видзис да сы вӧсна
Земля-матиыс тшынйыв эз кай.

Енмыс сетас мед, — шуа ме вомтырӧн, —
Нянь да сов, би и ва тэн и мем.
Пуксьысь Выль воӧн, пармаса войтырӧй!
Видза олан, Кызь ӧтиӧд нэм!